一些點滴，一些感想，一些經歷，一些分享...入o黎睇睇啦~

---

阿jo係o麥水
做左好多年 design，有平面設計，又有網頁設計。
曾任職長江集團、i-cable、多間設計廣告及多媒體公司。

討厭朝九晚五o既生活，係 2002 年放棄收入穩定o既職業，開始全職 freelance designer 生涯；
到生左阿女後，改做全職媽咪，兼職做 design。

係 baby kingdom o既 0606 一歲生日會做左一次 design 義工後，
發覺原來做有關卡通得意o既 BB design 原來係好開心。
亦同時好多謝攪手 wendy，如果唔係佢攪呢個大型生日會，
我就唔會有機會幫到佢手，開始 design BB 肖像產品生涯。

除左做 BB 肖像產品外，依家仲開始製作婚宴影像產品！
我做 design，愛做 design！

---

鑽石 = 孩子
鑽石恆久遠，一夥永留存。
相信好多人睇到呢句 slogan 都會諗起愛情同婚姻，但我反而覺得用o黎形容可愛o既 BB 或小朋友更加貼切。

幾乎，所有女人都鍾意鑽石、寶石。幾乎，所有女人都愛錫自己o既兒女。
有時見到新聞，有d父母虐待或唔理自己o既仔女，真係不明所以？ 點打得落手？
點捨得單獨留佢o地係屋企，而自己去左玩？ 點解可以咁對待自己o既親生骨肉？

孩子就好似一粒未經打磨、切割、鑲嵌o既寶石；佢o地有唔同形狀、唔同大細、唔同顏色，同時擁有唔同o既性格；
父母只要悉心栽培，懂得欣賞同體諒，每粒寶石都可以成為與別不同、獨一無二、最好、最靚o既寶石！

從來無諗過自己有幸得到一粒5磅o既 "666" 寶石 (小女生於2006年6月6日，重5磅)，
佢o既出現，令我o既人生起左好大變化。
由最初對寶石豪無感覺，豪無認識同研究，到依家愛石如命、無石不歡、見少一日都籮籮孿...
依家我o既人生目標係努力學習點樣令我粒綠寶石活得健康、開心同快樂。
呢 d 種種感覺點滴，相信一定要係有石之人先可以深深體會明白。

雖然我擁有 "666" 寶石o既時間唔係好耐，但我可以肯定，我會用我o既一生去保護、愛錫同珍惜佢 。
亦因為呢粒 "666" 寶石，我要更努力賺錢做o野，比最好佢，等佢有更多機會去打磨、發光發亮。

估唔到原來做 d 有關 BB o既 design 係可以咁開心。
希望呢份開心，可以帶比各位有石之人，令更多人更愛錫、更珍惜自己o既寶石。