自己幫襯過或朋友用過介紹比我，覺得唔錯先介紹比各位！
有耐性又有愛心溜冰女教練
去太古城或又一城學溜冰，搵邊個教練好? 緊係 Tammy Tam！
阿女依家跟緊 Tammy 學花式溜冰，佢有耐性又有愛心，仲有辦法令小朋友唔怕溜冰，我比阿女更鍾意佢！
Tammy 大多數會係太古城教，星期二會去又一城，各位可以係呢個網頁睇睇：太古城溜冰學校網頁 。
莫 sir 教畫畫
有愛心、有耐性，畫功當然仲好了得；莫 sir 同佢學生o既作品經常係香港九龍各區展出。
莫 sir 仲持有中大 fine art 高級文憑，教導西洋畫o既正確繪畫技巧，
為各位未來的創作發展，作最好的準備及提升。
阿女跟左佢學畫之後，經常都問幾時再去上堂，係屋企又多左坐定定畫畫，
見到佢專注力好左，真係要多謝莫 sir！
地址：北角英皇道
電話：9870 0844
凌獅運動用品專門店
專業 Yonex 羽毛球用品代理，其他運動用品亦非常齊備。
阿女同契仔玩過一次羽毛球之後，成日叫我買羽毛球同佢玩；
機緣巧合去左呢間舖頭，老板好有心機同我介紹邊款球拍適合小朋友，
應該點樣教阿女打波，
解釋得詳細到我以為佢係專業球員！
舖頭仲有播放好多大賽o既精華片段，如果你同佢o岩傾，
佢仲會免費借比你睇，真係一間有人情味o既動用品專門店！
地址：旺角豉油街 24-26 號 1A電話：3175 5143
上門美容服務及新娘化妝
專業美容牌照 (中國及英國)，齊晒裝備上門幫人扮靚靚，連新娘化妝 set 頭都無問題！
經朋友介紹，幫襯過之後就無再去美容院做 facial，唔洗再比美容師 hard sell 買 package！
依家同佢熟左，仲可以去佢度做埋減肥、通淋巴同埋超聲波，連車馬費都慳番！
全套 facial 連按肩頸只收 $200，另加 $50 車馬費。暗瘡皮膚價錢另議。更新日期: 17/4/2010
聯絡人：Moon電話：9870 0844
